سامح حسين يوضح تصريحاته حول الإجازات: “الشغل نعمة وضروري للحياة”

أثار الفنان سامح حسين جدلًا واسعًا بين جمهوره بعد تصريحاته خلال احتفالية عيد الفطر 2025، التي أُقيمت بحضور الرئيس عبد الفتاح السيسي وأبناء شهداء الجيش والشرطة.

وخلال كلمته، عبّر سامح حسين عن رؤيته الإيجابية للحياة في مصر قائلًا:
“مصر مليانة حاجات جميلة، ومن ضمنها إنك مش محتاج مناسبة عشان تسمع جملة كل سنة وأنت طيب، إحنا شعب بيحب الفرح والاحتفالات، ولو حد ما استوعبش، دايمًا في مناسبة تانية نقول له فيها الكلمة دي.”

وأضاف: “إحنا عندنا قدرة مدهشة على الضحك حتى في أصعب الظروف، والعيد فرحة، ويا رب دايمًا تكون حياتنا مليانة أفراح، لكن مش ضروري كل الأعياد الجديدة تبقى إجازات، لأن عندنا شغل كتير.”

وبعد انتشار التصريحات وتأويلها بطرق مختلفة، خرج سامح حسين ليعلق على الجدل عبر صفحته الرسمية على “فيسبوك” موضحًا:
“جمهوري العزيز، كل سنة وأنتم طيبين، في ناس فهمت كلامي غلط وقالت إني بطالب بإلغاء الإجازات في الأعياد، وده مش حقيقي تمامًا.”

وتابع: “زيكم بحب الإجازة، لكن في نفس الوقت بحب الشغل، لأن الإجازة دي نعمة بنشحن بيها طاقتنا عشان نكمل مشوار الحياة، أنا كان قصدي إن كل ما زادت أفراحنا وأعيادنا، مش لازم كل واحد فيهم يكون إجازة رسمية.”

واختتم حديثه قائلًا:

“وعلى فكرة، إحنا بنحب الإجازة لأننا بنشتغل، أي حد جرّب قلة الشغل مش هيحب الإجازة، الشغل نعمة، وربنا يديمها علينا ويكرم كل واحد في مجاله، يا رب حياتكم تكون كلها فرحة وسعادة.”